Bir gün əvvəl Tver vilayətində (Rusiya) göyərtəsində, ehtimal ki, “Vaqner” özəl hərbi şirkətinin (ÖHŞ) rəhbərliyinin olduğu təyyarə qəzaya uğrayıb. “Rosaviasiya” təyyarədə olması nəzərdə tutulan şəxslərin siyahısını dərc edib. KİV-in məlumatına görə, ölənlərin siyahısında milliyyətcə tatar olan ikinci pilot Rüstəm Kərimov da var – o, Permdən olub.
Qəzaya uğrayan “Embraer”in göyərtəsində olan Perm pilotunun həlak olması ilə bağlı məlumatı onun atası Şükür Kərimov təsdiqləyib.
Qeyd edək ki, avqustun 23-ü axşam saatlarında Tver vilayətində “Embraer” təyyarəsi qəzaya uğrayıb. Fövqəladə Hallar Nazirliyinin məlumatına görə, təyyarədə ekipaj üzvləri də daxil olmaqla 10 nəfər olub. Onların hamısı ölü kimi siyahıya alınıb.
KİV-in məlumatına görə, sərnişinlər arasında “Vaqner” ÖHŞ-nin rəhbəri Yevgeni Priqojin də olub. Digər sərnişin Priqojinin “sağ əli” adlandırılan səhra komandiri Dmitri Utkindir.
Mənbə: 59.RU
www.102info.az
