Bakının Yasamal rayonunda piyadanın ölümünə səbəb olan qəza baş verib.
APA xəbər verir ki, yol-nəqliyyatı hadisəsi Bakı dairəvi yolunun Yeni Yasamal yaşayış massivinə düşən hissəsində qeydə alınıb.
Şosedə piyadalar üçün nəzərdə tutulmayan yerdən keçən 1988-ci il təvəllüdlü Ceyhun Mustafayev “Kia” markalı avtomobil vurub. Piyada zərbənin təsirindən hadisə yerində ölüb.
Hadisə yerinə Yasamal Rayon Polis İdarəsinin əməkdaşları cəlb edilib. Şosedə sıxlıq yaranıb.
Sürücünün izahatı alınıb.
www.102info.az
