Türkiyənin Kahramanmaraş viayətində qədim məzar aşkar edilib.
Arxeoloji qazıntıların rəhbəri, Ankara Hacı Bayram Vəli Universiteti Arxeologiya Fakültəsinin alimi Cevdet Merih Erek Onikişubat yaşayış məntəqəsinin çöl sahəsindəki mağarada aparılan işlərin 6 fevral zəlzələsindən sonra daha azsaylı qrupla davam etdirildiyini bildirib.
Alimin sözlərinə görə, 2007-ci ildən bəri bölgədə aparılan qazıntılarda üç məzar tapılıb. İlk iki qəbir müvafiq olaraq 2009 və 2019-cu illərdə üzə çıxarılıb.
Bu yaxınlarda aşkar edilən üçüncü məzarın isə 12 min il əvvələ aid olduğu güman edilir.
“Bu məzar Epipaleolit mədəniyyət dövründə yaşayan insanlara aiddir. Qəbir 90 dərəcə bucaq altında daşdan düzəldilib”, – Erek qeyd edib.
“Bu tarixdə yaşayan insanların hansı tayfa adı altında yaşadıqlarını bilmirik. Ona görə də onlara sadəcə ovçu-toplayıcı deyirik. Epipaleolit köçəri həyat tərzi ilə insanların mağaralarda yaşadıqları son dövrdür. Sonralar onlar düzənliklərdə və təpələrdə tikililər tikərək kənd məskənləri salmağa başlayıblar. Bu baxımdan Direkli mağarası Kahramanmaraşda qədimdən yeniyə bəşər tarixinin xronologiyasını tamamlayan makanlardan biridir”, – alim vurğulayıb.
Mənbə: Haber Global
www.102info.az
