Cənubi Afrikada qızıl mədənində 550-yə yaxın mədənçi girov saxlanılıb. Hadisə Sprinqs şəhəri yaxınlığındakı “Gold One” şirkətinin “East Modderfontein” mədənində baş verib. Gecə növbəsində işləyən şaxtaçılar tam heyətlə mədəndən qayıtmayıblar.
Məlumata görə, şaxtaçıları mədənçilər və tikinti işçiləri həmkarlar ittifaqının fəalları girov götürüblər. Onların tələbləri hələ ki, açıqlanmayıb. Həmkarlar ittifaqı insidentdə iştirakını inkar etsə də, baş verənlərin təfərrüatını öyrənəcəyinə söz verib.
Hüquq-mühafizə orqanlarının əməkdaşları mədəni mühasirəyə alıblar.
Cənubi Afrika mədənlərində qızıl hasilatı çox vaxt böyük dərinliklərdə, bəzən 2 km-dən çox dərinlikdə aparılır. Hazırda girovların yerləşdiyi dərinlik barədə məlumat verilmir.
Mənbə: TASS
www.102info.az
