Böyük bir alim qrupu Hunqa-Tonqa-Hunqa-Haapay vulkanının püskürməsi nəticəsində ozon təbəqəsini tükətdiyini aşkar edib.
Araşdırmanın nəticələri “Science” jurnalında dərc olunub.
Sakit Okeanda Hunqa-Tonqa-Hunqa-Haapay püskürməsinin indiyə qədər qeydə alınmış ən güclü partlayışlardan biri olduğu bilinir. Həmin vaxt atmosferə təkcə vulkanik material deyil, okean suyundan çox miqdarda buxarlanmış su atmosferə püskürülmüşdü, bu da təbiət hadisəsini daha da xüsusi edir.
Yeni tədqiqatlar zamanı müəyyən edilib ki, mikroskopik su damcıları atmosferdəki digər kimyəvi maddələrlə reaksiyaya girərək ozonun parçalanmasına səbəb olub.
Tədqiqatçılar vulkanın püskürməsindən cəmi beş gün sonra Hind okeanındakı Reyunyon adasından göndərilən hava şarların məlumatlarını təhlil ediblər. Məlum olub ki, atmosfer sensorları vulkanın buraxdığı misligörünməmiş miqdarda su buxarını aşkar edib. Tədqiqatçıların sözlərinə görə, stratosferin yüksək rütubəti, radiasiyalı soyutma və vulkanik şleyfdəki aerozolların səthinin artması tropik stratosferin ozon təbəqəsini cəmi bir həftə ərzində beş faiz sürətlə tükətmək üçün ideal şərait yaradıb.
Alimlər onu da qeyd ediblər ki, püskürmə nəticəsində ozonun azalması narahatedici olmamalıdır, çünki o, həm lokal, həm də nisbətən kiçik idi. Müqayisə üçün qeyd edək ki, Antarktida üzərindəki ozon dəliyi bölgəsi hər ilin sonuna qədər ozonda 60 faiz azalma yaşayır.
Mənbə: Lenta.ru
www.RIA24.az
