Fələstinin radikal HƏMAS hərəkatının tunellərini su ilə doldurmaq üçün İsrail mühəndis bölmələri nasoslar qoşub və Aralıq dənizindən borular çəkib.
Bu barədə sosial şəbəkələrdə kadrlar yayılıb.
Sözügedən tunellər şəbəkəsi HƏMAS-a və Fələstinin digər qruplarına silah-sursat saxlamağa, yerin altı ilə sürətlə keçməyə və qəfil hücumlar etməyə, girovları köçürməyə və İsrail hərbçiləri tərəfindən aşkar edilmədən geri çəkilməyə imkan verir. Şəbəkənin təxminən 1300 tuneldən ibarət olduğu güman edilir, onların ümumi uzunluğu müxtəlif hesablamalara görə 400 km-dən 500 km-ə qədərdir.
Qəzza zolağında HƏMAS tunel şəbəkəsinin məhv edilməsi İsrail ordusunun ən mühüm vəzifələrindən biridir.
Mənbə: “Ateo Breaking” “Telegram” kanalı
www.102info.az
