Bakı və İrəvan arasında aparılmış danışıqlar nəticəsində saxlanılan hərbçilərin mübadiləsinə dair son birgə bəyanat, həmçinin Ermənistanın COP29 forumu ilə bağlı razılaşması İrəvanın regionda sülhə nail olmaq əzminin növbəti təzahürü oldu.
Ermənistan mediasının məlumatına görə, bunu Ermənistan Xarici İşlər Nazirliyinin rəhbəri Ararat Mirzoyan Brüsseldə Şərq Tərəfdaşlığı ölkələrinin nazirlərinin görüşündə çıxışı zamanı deyib.
Onun sözlərinə görə, Ermənistan hökumətinin ərazi bütövlüyünün və sərhədlərin qarşılıqlı tanınması, regional kommunikasiyaların açılması prinsipləri əsasında regionda sabit, uzunmüddətli sülhü təmin etmək üçün siyasi iradəsi var.
