Vəkil İqor Buşmanov “Spartak”ın futbolçusu Kvinsi Promesə İrlandiya ilə ekstradisiya müqaviləsi olan ölkələrə səfər etməməsi barədə xəbərdarlıq edib.
“Təxribat xarakterli hərəkətlərin və həbslə bağlı mümkün neqativ halların qarşısını almaq üçün Promesin İrlandiya ilə cinayət işlərində qarşılıqlı yardım və axtarışda olan şəxslərin ekstradisiyası haqqında sazişi olan heç bir ölkəyə getməməsi məsləhət görülür. Bu, onun saxlanması və sonradan ekstradisiya məsələsinin həlli ehtimalını istisna etmir”, – deyə Buşmanov bildirib.
Qeyd edək ki, martın 23-də “Spartak” Bakıda “Neftçi” ilə oyun keçirməyi planlaşdırır.
Fevralın 14-də Amsterdam məhkəməsi Promesi kokain qaçaqmalçılığına görə altı il həbs cəzasına məhkum edib. İş üzrə məhkəmə iclası yanvarın 24-də baş tutub, prokurorluq Promesin doqquz il müddətinə azadlıqdan məhrum edilməsini istəyib. Fevralın 16-da irlandiyalı beynəlxalq axtarışa verilib.
Fevralın 22-də isə bildirilib ki, Promes həbs olunmamaq şərti ilə Amsterdam məhkəməsində şəxsən ifadə verməyə hazırdır.
Xatırladaq ki, Promes 2021-ci ilin fevralından “Spartak”da oynayır.
Mənbə: RİA novosti
www.102info.az
