Bakı.Trend:
2025-2026-cı tədris ili üzrə uşaqların məktəbəhazırlıq
qruplarına və I sinfə elektron qəbulu prosesi davam edir.
Trend xəbər
verir ki, bu barədə Məktəbəqədər və Ümumi Təhsil üzrə Dövlət
Agentliyi məlumat yayıb.
Bildirilib ki, bu günə qədər artıq 60 mindən çox uşağın
məktəbəhazırıq qrupuna, 125 minə yaxın uşağın isə birinci sinfə
qəbulu prosesi tamamlanıb.
Məlumata görə, tədris ili yaxınlaşdıqca ümumi təhsil
müəssisələrində uşaqların qeydiyyatının aparılması, sənədləşmə
işlərinin dəqiq və vaxtında başa çatdırılması baxımından bu
mərhələnin əhəmiyyətini nəzərə alaraq bildiririk ki, övladlarının
2025-2026-ci tədris ili üzrə məktəbəhazırlıq qruplarına və I sinfə
elektron qəbulu prosesini həyata keçirmək istəyən valideynlər
mektebeqebul.edu.az saytı vasitəsilə şəxsi kabinet
yaradaraq məktəb və müəllim seçimi edə bilərlər.
İnternetə çıxış imkanı olmayan vətəndaşlar isə aidiyyəti
üzrə:
– Alternativ qeydiyyat mərkəzlərinə
– Agentliyin və təhsili yerli idarəetmə bölmələrinin çağrı
mərkəzlərinə
– ASAN xidmət mərkəzlərinə müraciət edə bilərlər.
