Birgə Hərtərəfli Fəaliyyət Planının (JCPOA) bərpasına dair qərarların sadalandığı sənəd yekunlaşmaq mərhələsindədir. İranla nüvə sazişinin bərpası ilə bağlı mövcud mətn Rusiya tərəfini qane edir və gündəmdə yalnız siyasi məsələlər qalır. Bunu Rusiya xarici işlər nazirinin müavini Sergey Ryabkov bildirib.
Bundan əvvəl Ağ Evin mətbuat katibi Cen Psaki İranın hərəkətlərini Tehranla nüvə sazişinin əldə olunmasına ən böyük maneə adlandırıb. Psakinin sözlərinə görə, ABŞ İran hakimiyyətini müqavilənin tez bir zamanda bərpa edilməsində maraqlı olub-olmadığı barədə qərar verməyə çağırıb.
“İndi iş İranın qərarına qalır”, – deyə o vurğulayıb.
Mənbə: RİA Novosti
www.RIA24.az
