Rusiyalı keşiş Pavel Ostrovski müasir yeniyetmələri başa düşmək üçün “lifehack”lar paylaşıb. O, ilk olaraq yeniyetmələrin zövqlərini tanımağı və hörmət etməyi məsləhət görüb.
“Əgər manqa, manhva və manhuanı qarışdırmasanız, onların yanında nüfuzunuz dərhal 10 faiz artacaq. Adətən auditorların yaşından asılı olan “anime” janrlarını – “kodomo”, “senen”, “sece”, “seynen” və “cesey”i başa düşmək yaxşı olardı”, – deyə bildirən keşiş, “manqa”nın komiks, “anime”nin isə cizgi filmi olduğunu dəqiqləşdirib.
Ostrovski rolk, fanfikt və fandomların janrlarını, xüsusiyyətlərini və digər incəliklərini başa düşməyi məsləhət görüb.
Onun sözlərinə görə, kibersportu (“DotA”, “pubg”, “cs go”, “tanks” və s.), “Netflix”də serialları, “TikTok”da özünüifadə və bir çox başqa mövzuları da qaçırmaq olmaz.
Keşiş bildirib ki, yeniyetmələrin etdiklərini bəyənsək də, bəyənməsək də, bu onların dünyasıdır.
“Ona görə də biz gənclər mühitinə yeni ideyalar gətirmək istəyiriksə, o zaman ən ağlabatan şey onlara yol vermək, dəstək olmaq olardı”, – deyə o, bildirib.
Ostrovski onların az adam tərəfindən dinlənildiyini və fikirlərinin böyüklər tərəfindən tənqid olunduğunu qeyd edib.
“Ətrafdakı hər kəs onlara necə həyat sürməli olduqlarını bildirir, lakin indi və burada necə yaşadıqlarından xəbərsizdirlər”, – deyə keşiş sözlərini yekunlaşdırıb.
Mənbə: Lenta.ru
www.RIA24.az
