Xəzər rayonu, Binə qəsəbəsində yerləşən 218 saylı orta məktəbdə təhsil alan şagirdlər arasında bıçaqlanma hadisəsi baş verib.
Məktəbdən Oxu.Az-a bildirilib ki, təhsil ocağının 8a sinif şagirdinə (müvafiq səbəblərdən şagirdin adı qeyd olunmur – red.) sanitar qovşaqda 9b sinif şagirdi tərəfindən ayaq və qol nahiyəsindən kəsici alətlə xəsarətlər yetirilib:
“Dərhal təcili tibbi yardıma və polisə məlumat verilib. Hadisə ilə bağlı hüquq mühafizə orqanları tərəfindən araşdırma aparılır”.
İlhamə Əbülfət
www.RIA24.az
