Futbol üzrə Azərbaycan milli komandası 2026-cı il dünya çempionatının (DÇ-2026) seçmə mərhələsində sonuncu oyununu keçirib.
Modern.az xəbər verir ki, D qrupunda mübarizə aparan komanda Bakıda Fransa yığması ilə qarşılaşıb. Tofiq Bəhramov adına Respublika Stadionunda oynanılan qarşılaşma rəqibin 3:1 hesablı qələbəsi ilə yekunlaşıb.
Hesabı 4-cü dəqiqədə millimizin heyətində Renat Dadaşov açıb. Rəqibin heyətində Jan-Filipp Mateta və Akliuş fərqləniblər. Üçüncü qolda isə Şahruddin Məhəmmədəliyev avtoqol müəllifi olub.
Matçı latviyalı FIFA referisi Andris Treymanis idarə edib.
Qeyd edək ki, Azərbaycan yığması qrup mərhələsini 1 xalla 4-cü pillədə başa vurub. Xallarını 16-ya çatdıran Fransa millisi turnir cədvəlini birinci yerdə bitirib.
***
21:35
2026-cı il futbol üzrə dünya çempionatının seçmə mərhələsinin altıncı turu çərçivəsində keçirilən Azərbaycan – Fransa matçında hesab bərabərləşib.
Modern.az xəbər verir ki, Fransa millisinin heyətində 17-ci dəqiqədə Mateta fərqlənib.
***
21:19
2026-cı il futbol üzrə dünya çempionatının seçmə mərhələsinin altıncı turu çərçivəsində keçirilən Azərbaycan – Fransa matçında qonaqlar hesabda irəli çıxıblar.
Modern.az xəbər verir ki, Fransa millisinin heyətində ikinci qolu 30-cu dəqiqədə Akliuş vurub.
***
21:07
2026-cı il futbol üzrə dünya çempionatının seçmə mərhələsinin altıncı turu çərçivəsində keçirilən Azərbaycan – Fransa matçında hesab açılıb.
Modern.az xəbər verir ki, millimiz oyunun ilk dəqiqələrində hesabı açıb.
İlk qolu 4-cü dəqiqədə Renat Dadaşov vurub.
***
21:00
DÇ-2026-nın Avropa zonası üzrə seçmə mərhələsinin VI turu çərçivəsində keçirilən Azərbaycan – Fransa oyunu başlayıb.
Modern.az xəbər ki, Tofiq Bəhramov adına Respublika Stadionunda təşkil olunan görüş saat 21:00-da start götürüb.
Matçı latviyalı FIFA referisi Andris Treymanis idarə edir.
