Bakı. Trend:
Bu gün Məlumat Emalı Mərkəzləri (Data
Centerlər) texnologiya dünyasının ən dinamik və strateji
sahələrindən birinə çevrilib. Bu sahənin aktuallığı nəzərə
alınaraq, bir çox aparıcı təşkilat və mütəxəssis müasir
tendensiyalar, yeniliklər və sınaqdan keçmiş təcrübələr barədə öz
biliklərini ictimaiyyətlə bölüşür, beləliklə, Məlumat Mərkəzlərinin
inkişafına və peşəkar bilik mübadiləsinə töhfə verir.
Yeni nəsil texnologiyaların sürətli inkişafı Məlumat
Mərkəzlərinin dizaynına, çevikliyinə, işləmə sürətinə və texnoloji
seçimlərinə yeni tələblər formalaşdırıb. Artıq bu sahədə düzgün
qərarlar vermək müəssisələrin dayanıqlığı və rəqabət qabiliyyəti
üçün həlledici amilə çevrilib.
Bu istiqamətdə HyperDC və KARE
şirkətləri öz qabaqcıl təcrübələrini və praktiki biliklərini
Bakıdakı Məlumat Mərkəzi istifadəçiləri ilə paylaşmaq məqsədilə bir
araya gəlir.
Tech Day Baku layihəsi sadəcə bir tədbir deyil
— bu, davamlı şəkildə keçiriləcək peşəkar görüşlər silsiləsidir.
Hər üç aydan bir baş tutacaq bu sessiyalarda iştirakçılar Məlumat
Mərkəzləri sahəsindəki ən son yeniliklər, müasir texnoloji meyillər
və real tətbiq həlləri barədə ətraflı məlumat əldə edəcəklər.
Tarix: 26 noyabr 2025-ci il
Vaxt: 14:30 – 18:45
Məkan: Holiday INN Baku Hotel, 5 K.Səfərəliyeva küç.,
Bakı şəhəri
İlk Tech Day Baku tədbiri çərçivəsində iştirakçılar aşağıdakı
əsas mövzular ətrafında fikir və təcrübə mübadiləsi
aparacaqlar:
- 2026-cı ildə Məlumat Mərkəzləri
- Konteyner tipli mobil Məlumat Mərkəzləri
- Məlumat Mərkəzlərində sertifikatlaşdırmanın əhəmiyyəti
Tədbirdə iştirak etmək üçün bu sahədə aktual təcrübəyə malik və
gələcəkdə məlumat mərkəzi (ÇOX/COD) layihələrinin
reallaşdırılmasında maraqlı olan mütəxəssislər dəvət olunur.
