İran Beynəlxalq Atom Enerjisi Agentliyi (BAEA) ilə razılaşma əldə olunana qədər dağılmış nüvə obyektlərinin dağıntıları altından zənginləşdirilmiş uranı çıxarmayacaq.
APA xəbər verir ki, bunu İranın xarici işlər naziri Abbas Əraqçi Britaniyanın “The Economist” jurnalına verdiyi müsahibə zamanı deyib.
“Xeyr, bütün zənginləşdirilmiş material dağıntıların altındadır. Hələ çıxarılmayıb və agentliklə razılığa gələnə qədər onu çıxarmaq niyyətində deyilik”, – o deyib.
O, həmçinin İranın nüvə obyekti işçilərinin ABŞ-ın zərbələrindən əvvəl zənginləşdirilmiş uranı çıxardığı iddialarını da qəti şəkildə rədd edib.
