İranın Bəndər-Abbas şəhərində baş verən partlayışdan sonra yayılan iddialara ölkə rəsmiləri tərəfindən aydınlıq gətirilib.
Modern.az İran mətbuatına istinadla xəbər verir ki, İslam İnqilabı Keşikçiləri Korpusu (SEPAH) Hərbi Dəniz Qüvvələrinin komandanı, kontr-admiral Əlirza Təngsiriyə qarşı sui-qəsd cəhdi barədə yayılan məlumatlar həqiqəti əks etdirmir.
Məlumatda Əlirza Təngsirinin hədəf alınmasını və öldürülməsi barədə şayələri qəti şəkildə təkzib edib.
Qeyd edək ki, hadisə şəhərin mərkəzində yerləşən səkkizmərtəbəli binada baş verib. İlkin məlumata görə hadisə nəticəsində bir nəfər ölüb, 14 nəfər yaralanıb.
