Bakı. Trend:
Şimali Atlantika Alyansı (NATO) 2026-cı ildə Ukraynaya 60
milyard dollar dəyərində hərbi yardım göstərməyi nəzərdə tutur.
Trend xəbər verir ki, bunu
NATO-nun baş katibi Mark Rütte açıqlayıb.
Onun sözlərinə görə, Ukraynanın ehtiyac duyduğu dəstəyin təmin
olunması vacibdir. Rütte bildirib ki, bütün müttəfiq ölkələr bu il
təhlükəsizlik və müdafiə sahəsində 60 milyard dollarlıq məqsədə
çatmaq üçün investisiyalarını artırmalıdır.
O qeyd edib ki, Kiyevə yardım indi əvvəlkindən daha böyük
əhəmiyyət daşıyır. Baş katib əlavə edib ki, yük ağır olsa da, bu
məsuliyyəti daşıyan ölkələrin sayı çox deyil.
