Bakı. Trend:
Sloveniya-Meksika birgə ekspedisiyası Kalakmul Biosfer Qoruğunda
min ildən çoxdur ki, meşə örtüyünün altında gizlənmiş əvvəllər
məlum olmayan bir şəhər kəşf edib.
Xarici media yazır ki, Minanbe (“Yolsuz”) adlandırılan yaşayış
məntəqəsi tamamilə salamat qalıb, tədqiqatçılar talançılıqla bağlı
heç bir dəlil tapmayıblar.
İvan Şpraytsın rəhbərlik etdiyi arxeoloqlar əraziyə çatmaq üçün
beş kilometr məsafə qət ediblər. Şprayt qeyd edib ki, bu, son üç
ildə toxunulmamış şəkildə aşkar edilmiş ilk ərazidir.
“Əsas cazibədar yer yaxşı qorunub saxlanılan daş işləri və dik
pilləkənləri olan 13 metr hündürlüyündə piramidal məbəd olub. 14
qurbangah və stela arasında baş kəsmə və eramızın 849-cu ilinə
uyğun təqvim tarixini təsvir edən lövhə, eləcə də 7-ci əsrin
sonlarına aid lələkli baş geyimli hökmdarı təsvir edən heroqlifləri
olan qurbangah diqqət çəkir.
Alimlərin fikrincə, bu cür yazılar şəhərin Son Klassik dövrdə, X
əsrə qədər aktiv olduğunu göstərir. Hava lazer skaneri (LiDAR)
meydanlar, saraylar, terraslar və kanallar da daxil olmaqla
təxminən 15 hektar ərazini kəşf etməyə kömək edib. Kəşf 2013-cü
ildə eyni ərazidə Çaktunun böyük mərkəzini kəşf edən komandanın
illərlə apardığı tədqiqatların ardınca baş verib.
