ABŞ-ın Respublikaçı və Demokrat partiyalarının bir qrup keçmiş nümayəndəsi yeni siyasi partiya yaradır. Onların planına görə, bu, ölkədə üçüncü siyasi qüvvəyə çevrilməlidir.
“Forward” (İrəli) adlanan yeni partiyaya biznesmen, Demokrat Partiyasından prezidentliyə keçmiş namizəd Endryu Yanq və Nyu-Cersinin keçmiş qubernatoru Kristin Todd Uitman sədrlik edəcək. Partiyanın təsisçiləri ümid edirlər ki, onların siyasi birləşməsi respublikaçılar və demokratlara əlverişli alternativ olacaq.
Partiyanın başlanğıc büdcəsi 5 milyon dollar olacaq. Yeni siyasi birlik qeydiyyatı başa çatdırmağı və 2024-cü ildə keçiriləcək seçkilərdə 50 ştatın hamısında respublikaçılar və demokratlarla birlikdə iştirak etməyi planlaşdırır.
Qeyd edək ki, ABŞ-da XIX əsrin ortalarından etibarən ikipartiyalı sistem inkişaf edib. Digər partiyalar ölkənin həyatında əhəmiyyətli rol oynamır və geniş ictimaiyyətə az tanınır, baxmayaraq ki, federal səviyyədə daha 40-a yaxın, regional səviyyədə isə eyni sayda milli siyasi birlik var. Onlar “üçüncü” və ya “kiçik” partiyalar kimi tanınır, onların seçkidəki namizədləri isə “kənar namizədlər” adlanır. Bunlar arasında ən nüfuzlusu üçü sayılır: Konstitusiya, Yaşıllar və Libertarian Partiyası.
Mənbə: Reuters
www.102info.az
