Timsahların nəslinin kəsilməsi dağıdıcı ekoloji nəticələrə səbəb olacaq.
Oksford Universitetindən olan alimlərin bununla bağlı yeni araşdırması “Functional Ecology” jurnalında dərc olunub.
Məqalədə bildirilir ki, hazırda dünyadakı timsahların yarıdan çoxu yaşayış yerlərinin itirilməsi, ovlanma və s. səbəbindən nəsli kəsilmək təhlükəsi ilə üzləşib.
Mütəxəssislərin sözlərinə görə, timsahların sayının azalması onların ekosistem üçün yerinə yetirdiyi müxtəlif funksiyaların itirilməsinə səbəb olacaq.
Ekspertlərin fikrincə, ekosistem üçün müxtəlif funksiyaların ən azı 40%-i timsahlar tərəfindən yerinə yetirilir. Məsələn, alliqatorlar yuvalar qazırlar; sonradan bura digər növlər üçün həyati vacib sığınacaqlara çevrilir, yaxud Filippin timsahı kənd təsərrüfatı zərərvericilərinin populyasiyalarına nəzarət edir.
Gələcəkdə alimlər timsahların təbiətdəki funksiyalarını, eləcə də bu heyvanları qorumaq yollarını öyrənməyə davam edəcəklər.
www.RIA24.az
