Bakı. Trend:
ABŞ Prezidenti Donald Tramp sentyabrın 22-də Nyu-Yorkda Vladimir
Zelenski ilə görüşəcək. Bu barədə Ağ Evin mətbuat xidməti
tərəfindən yayımlanan ABŞ liderinin iş qrafikindən məlum olur.
Sənədə əsasən, BMT Baş Assambleyasının 81-ci sessiyasının ümumi
siyasi müzakirələri çərçivəsində keçiriləcək ikitərəfli görüş
Moskva vaxtı ilə saat 20:15-də başlayacaq.
Tramp həmçinin Baş Assambleyanın sessiyasında çıxış edəcək
(Moskva vaxtı ilə saat 16:55), ABŞ administrasiyasının Danimarka və
Qrenlandiya rəhbərliyi ilə əldə etdiyi razılaşmalara dair
sənədlərin imzalanmasında iştirak edəcək, Böyük Britaniyanın Baş
naziri Endi Börnhemlə (18:45) və Yaponiyanın Baş naziri Sanae
Takaichi ilə (19:30) ikitərəfli görüşlər keçirəcək. Axşam
Nyu-Yorkdakı otellərdən birində keçiriləcək qəbul zamanı Tramp
Venesuela prezidentinin səlahiyyətli nümayəndəsi Delsi Rodriqeslə
söhbət edəcək (çərşənbə, Moskva vaxtı ilə saat 02:40).
Bundan əlavə, ABŞ Prezidentinin Bəhreyn, Qətər, Küveyt,
Birləşmiş Ərəb Əmirlikləri, Oman və Səudiyyə Ərəbistanının daxil
olduğu Körfəz Ərəb Dövlətləri Əməkdaşlıq Şurasının liderləri ilə
görüşü planlaşdırılır. Tramp həmçinin ABŞ tərəfindən yaradılmış və
mütəşəkkil cinayətkarlıqla mübarizəyə yönəlmiş regional “Amerika
Qalxanı” alyansının fəaliyyətinə həsr olunmuş tədbirdə iştirak
edəcək.
