Britaniyada Ukraynanın Müstəqillik Günü münasibətilə Baş nazirin Dauninq-Strit 10 ünvanındakı iqamətgahı günəbaxanlar və mavi buketlərlə bəzədilib.
Həmçinin Şotlandiya Qvardiya Orkestri Londonun mərkəzində “Kaluş” qrupunun “Stefaniya” mahnısını ifa edib.
Britaniyalılara günəbaxanın bir neçə əsrdir Ukrayna tarlalarında yetişdirildiyi və Ukraynanın “milli” güllərindən biri olduğu açıqlanıb. Rusiya-Ukrayna müharibəsi zamanı isə bu güllərin müqavimət və birliyin simvolu olduğu qeyd edilib.
Boris Conson Müstəqillik Günü ilə bağlı təbrik ünvanlayıb. Şəxsi videomüraciətində xüsusi olaraq vurğulayıb ki, 1991-ci ildə Ukrayna ilk dəfə müstəqillik əldə etməyib, müstəqil dövlət kimi yenidən doğulub. İndi isə ukraynalılar yenidən öz ölkələrində gələcəklərini təyin etmək hüquqlarını müdafiə edirlər.
“Mən ukraynalıların Müstəqillik Günündə bunu bilmələrini istəyirəm: Britaniya sizə lazım olduğu qədər dəstək verəcək”, – deyə baş nazir vurğulayıb.
To the people of Ukraine on your Independence Day, I want you to know this: For however long it takes, the United Kingdom will stand with you.
У День Незалежності України я хочу, щоб її народ знав:
Велика Британія стоятиме поряд з вами стільки, скільки знадобиться. pic.twitter.com/6Gn9sYspzK— Boris Johnson (@BorisJohnson) August 24, 2022
Mənbə: Yevropeyskaya pravda
www.102info.az
