“Ermənistanın baş naziri Nikol Paşinyan rejimi tərəfindən regional təhlükəsizliyə ciddi təhdidlər bütün Avropa iqtisadiyyatına ziyan vurur və Cənubi Qafqaz regionunda kövrək sülh prosesini pozur”.
Bunu “Report”a ABŞ politoloqu, beynəlxalq münasibətlər üzrə ekspert Piter Teys bildirib.
“ABŞ-ın müdafiə naziri Lloyd Ostin təcili olaraq İrəvana müraciət etməli, Azərbaycana qarşı hərbi təcavüzü dayandırması və rəsmi Bakı ilə sülh müqaviləsi imzalaması üçün Paşinyana təzyiq etməlidir”, – o əlavə edib.
Teys Azərbaycan Silahlı Qüvvələrinin erməni təxribatlarının öhdəsindən gəlmək və onlara layiqli cavab vermək iqtidarında olduğunu vurğulayıb.
Ekspert hesab edir ki, rəsmi Vaşinqton və Brüssel Ermənistanın Baş naziri Paşinyanı hərbi təxribatlardan çəkinməyə, beynəlxalq qanunlara və Avropa İttifaqının (Aİ) İnsan Hüquqları Konvensiyasına əməl etməyə çağırmalıdır.
Xatırladaq ki, sentyabrın 12-də gecə saatlarında Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib. Bu gün Ermənistan tərəfi əldə olunmuş atəşkəs razılaşmasını növbəti dəfə pozaraq Azərbaycan ordusunun bölmələrini atəşə tutmaqda davam edib.
www.102info.az
