Bakıda çoxmərtəbəli binada yanğın zamanı iki nəfər zəhərlənib.
Bu barədə Fövqəladə Hallar Nazirliyi məlumat yayıb.
Belə ki, Bakı şəhərinin Qaradağ rayonunda doqquzmərtəbəli yaşayış binasının 8-ci mərtəbəsinin dəhlizində məişət tullantıları və istifadəyə yararsız ev əşyaları 20 kvadrat metr sahədə yanıb. Yanğın zamanı 2 nəfər tüstüdən zəhərlənmə diaqnozu ilə xəstəxanaya aparılıb, 12 nəfər (onlardan 4-ü uşaqdır) sakin yanğınsöndürənlər tərəfindən təhlükəsiz əraziyə təxliyə edilib. Mənzillər yanğından mühafizə olunub. Yanğın yanğından mühafizə bölmələri tərəfindən söndürülüb.
17:26
Qaradağ rayonu, Lökbatan qəsəbəsi, “Qobu Park – 2” yaşayış massivində yanğın hadisəsi baş verib.
Oxu.Az-ın əldə etdiyi məlumata görə, hadisə 18 nömrəli binanın 8-ci mərtəbəsində qeydə alınıb.
Yanğın Fövqəladə Hallar Nazirliyinin Dövlət Yanğından Mühafizə və Xüsusi Riskli Xilasetmə Xidmətinin əməkdaşları tərəfindən söndürülüb.
İlkin məlumata görə, hadisə nəticəsində bir neçə nəfər tüstüdən zəhərlənib.
Aqil Vəlili
www.102info.az
