“Ələt-Astara-İran sərhədi avtomobil yolunun Salyan rayonundan keçən hissəsində ölümlə nəticələnən yol-nəqliyyat hadisəsi baş verib”.
Bu barədə Oxu.Az-ın sorğusuna cavab olaraq Baş Dövlət Yol Polisi İdarəsinin İctimaiyyətlə Əlaqələr Şöbəsinin rəisi, polis mayoru Rövşən Tağıyev məlumat verib.
O bildirib ki, Salyan rayonun 68-ci kilometrliyində baş verib:
“Belə ki, Masallı rayon sakini Məcidov Araz Arif oğlunun idarə etdiyi “KamAZ” markalı 44-CG-110 dövlət nömrə nişanlı yük avtomobili ilə eyni istiqamətdə hərəkətdə olan Lənkəran rayon sakini Ağamalıyev Elman Rəhim oğlunun idarə etdiyi 44-CA-948 dövlət qeydiyyat nömrəli yük maşınının 44-ZA-520 dövlət nömrə nişanlı qoşqusu ilə toqquşub.
Nəticədə “KamAZ” markalı yük avtomobilinin sürücüsü A.Məcidov və onun sərnişini Masallı rayon sakini Kiçibəyov Rahib Elbəyi oğlu hadisə yerində ölüb. Faktla bağlı araşdırma aparılır”.
14:22
Bakı-Astara yolunda ağır yol-nəqliyyat hadisəsi baş verib.
Oxu.Az xəbər verir ki, bu barədə sosial şəbəkələrdə görüntü paylaşılıb.
Məlumata görə, iki yük avtomobili toqquşaraq aşıb.
Görüntüləri təqdim edirik:
Könül Cəfərli
www.102info.az
