Siyəzəndə güclü külək fəsadlar törədib.
APA-nın verdiyi məlumata görə, külək rayonun bəzi kəndlərində yaşayış evlərinin damlarını uçurub.
Külək rayonun Ərziküş icra nümayəndəliyinin damını uçurub və Dağ Quşçu kəndində isə nümayəndəliyin binası qəzalı vəziyyətə düşüb.
Siyəzən şəhərinin mərkəzində vətəndaşlara məxsus yardımçı tikililərin və mərasim evinin damı uçub.
Güclü külək elektrik təsərrüfatına da ziyan vurub, Daşlı Calgan və Ərziküş kəndlərində işıq dirəklərini aşırıb.
Dəymiş ziyanın hesablanması və fəsadların aradan qaldırılması istiqamətində işlər davam etdirilir.
www.102info.az
