Tovuz rayonu Abulbəyli kəndində su xəttində qəza baş verib.
Bu barədə sakinlər sosial şəbəkədə məlumat paylaşıblar.
Şikayətdə qeyd edilir ki, söhbət kəndin Valentin Rzayev küçəsindən gedir:
“Bir aydan çoxdur bir kəndin suyu beləcə axıb gedir. Amma bir evə pulsuz su verməzlər”.
Məsələ ilə bağlı “Azərsu” ASC-yə sorğu ünvanladıq.
Qurumdan sorğumuza cavab olaraq bildirilib ki, sözügedən küçəyə müvafiq idarənin əməkdaşları gedib:
“Su xəttində baş verən qəza aradan qaldırılıb. Heç bir axıntı yoxdur. Qeyd edək ki, bu ərazidəki su xətti “Azərsu” ASC-nin balansında deyil. Vətəndaşlar tərəfindən şəxsi vəsait hesabına çəkildiyi üçün tez-tez qəzalar baş verir”.
Könül Cəfərli
www.102info.az
