Azərbaycanda martın 28-nə olan məlumata əsasən bəzi yerlərdə yağış, dağlıq ərazilərdə qar yağıb, şimal-qərb küləyi bəzi bölgələrdə arabir güclənib.
Bu barədə Ekologiya və Təbii Sərvətlər Nazirliyinin Milli Hidrometeorologiya Xidməti məlumat yayıb.
Bildirilib ki, düşən yağıntının miqdarı Sədərəkdə 12 mm, Şərurda 9 mm, Gədəbəydə 8 mm, Şahbuzda 6 mm, Naxçıvan, Culfa, Qrız, Ordubadda 5 mm, Şahdağ, Daşkəsəndə 4 mm, Qusar, Şəki, Tovuzda 3 mm, Qax, Göygöl, Ağstafada 2 mm, Naftalan, Gəncə, Şəmkir, Ceyrançöl, Balakən, Oğuz, Qəbələ, Altıağac, Şamaxı, Zaqatala, Qobustan, Quba, Xaltan, Sabirabad, Neftçala, Astarada 1 mm olub.
Qar örtüyünün hündürlüyü Şahdağda 2 sm, Qrızda 1 sm olub.
Şimal-qərb küləyi Naftalanda 28 m, Tərtərdə 20 m/s, Bərdədə 19 m/s, Gəncədə 18 m/s, Şabranda 17 m/s, Şəmkirdə 16 m/s, Bakıda və Abşeron yarımadasında arabir 17 m/s-dək güclənib, Neft Daşları stansiyasının məlumatına əsasən, dalğanın hündürlüyü 2,1 metrə çatıb.
Sumqayıt, Daşkəsən, Göygöl, Şahdağ, Qrız, Şəki, Qax, Lerikdə duman müşahidə olunub.
Havanın temperaturu martın 27-də Bakıda iqlim normasından 7,2 dərəcə yüksək olub, havanın maksimal temperaturu Bakıda və Abşeron yarımadasında 20 dərəcəyədək isti, Naxçıvanda 23 dərəcəyədək isti, dağlıq rayonlarda 12 dərəcəyədək isti, aran rayonlarında 22 dərəcəyədək isti olub.
Martın 28-i səhər saatlarından yağıntıların tədricən kəsiləcəyi, 28-i gündüz, 29-da ölkə ərazisində hava şəraitinin sabit olacağı, əsasən yağmursuz keçəcəyi, mülayim cənub küləyinin arabir güclənəcəyi gözlənilir.
www.102info.az
