Naxçıvan şəhərində piyadanın vurulması ilə nəticələnən yol-nəqliyyat hadisəsi baş verib.
APA xəbər verir ki, hadisə bu gün səhər saatlarında şəhərin “Mikrorayon” adlanan ərazisində qeydə alınıb.
Belə ki, yolu keçən 2004-cü il təvəllüdlü, Ordubad rayon Gənzə kənd sakini, Naxçıvan Universitetinin tələbəsi Həsənova Hökümə Şəhrud qızını avtomobil vurub. Naxçıvan Muxtar Respublika Xəstəxanasına yerləşdirilən zərərçəkənin vəziyyəti sabitdir.
Faktla bağlı araşdırma aparılır.
www.102info.az
