Ümumtəhsil məktəblərinin azad olunan ərazilərə köçürülməsi nə vaxt başlayacaq?

Cəmiyyət


“Əhalinin köçürülməsi prosesinə başlanıldıqda inşası və ya bərpası başa çatdırılmış ümumi təhsil müəssisələri də fəaliyyətə başlayacaq”.

Bu barədə “Trend”in sorğusuna cavab olaraq Elm və Təhsil Nazirliyindən bildiriblər.

“Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”na uyğun olaraq işğaldan azad olunmuş ərazilərdə bərpa-quruculuq işləri davam etdirilir. Şəhər və kəndlərin bərpası ilə əlaqədar icra olunan layihələr çərçivəsində ümumi təhsil müəssisələrinin də inşası aparılır. Əhalinin köçürülməsi prosesinə başlanıldıqda inşası və ya bərpası başa çatdırılmış ümumi təhsil müəssisələri də fəaliyyətə başlayacaqdır”, – deyə qeyd edilib.

Xatırladaq ki, elm və təhsil naziri Emin Əmrullayev bir müddət öncə qeyd edib ki, hazırda məcburi köçkün ümumtəhsil məktəblərinin köçürülməsi üçün bəlli planlama işləri aparılır.

www.102info.az

Spread the love
Avatar

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir