11 yaşlı Əsma böyrək çatışmazlığından əziyyət çəkir.
Bu barədə Oxu.Az-a onun anası İlahə Abbaszadə məlumat yayıb.
O bildirib ki, övladı 2 yaşından bu xəstəlikdən əziyyət çəkir.
“Əsmanın iki yaşı olanda tez-tez altına qaçırırdı. İlk dövrlər uşaq olduğu üçün normal qəbul edirdim. Həkim müayinəsi zamanı isə övladımın böyrək çatışmazlığından əziyyət çəkdiyini öyrəndik. O gündən müalicələr alsaq da, hazırda ona böyrək köçürülməlidir”.
İlahə Abbaszadə bildirib ki, övladının əməliyyatı üçün 20 000 manata ehtiyac var.
“Əsmanın donoru atası olacaq. Əməliyyat üçün lazım olan 20 000 manatın 19 300 manatını toplasaq da, 700 manat əskiyimiz qalıb. Əsma tez-tez altına qaçırdığı üçün məktəbə getməkdən utanır, dərslərindən, yaşıdlarından çox geri qalır. Çox utanır, özünə qapanıb. 700 manat bəlkə də çox az məbləğ kimi görünür, amma bizim üçün çox böyük, əlçatmaz məbləğdir hazırda. Yardımsevər şəxslərdən övladıma yardım etmələrini, dəstək olmalarını xahiş edirəm”.
Ailə ilə əlaqə: 055 802 86 75







www.102info.az