Göyçay rayonunda iki nəfərin xəsarət alması ilə nəticələnən yol-nəqliyyat hadisəsi olub.
“Report” xəbər verir ki, hadisə bu gün axşam saatlarında Göyçay şəhərinin Nizami küçəsində qeydə alınıb.
Belə ki, “Mercedes” və VAZ-2107 markalı minik avtomobillərinin toqquşması nəticəsində rayon sakinləri, 1989-cu il təvəllüdlü Quliyev Nurlan Fəqan oğlu və 1998-ci il təvəllüdlü Əliyev İlham Səməd oğlu xəsarət alıb.
Yaralılar Göyçay rayon Mərkəzi Xəstəxanasına aparılıblar.
Faktla bağlı Göyçay rayon Polis Şöbəsi tərəfindən araşdırma aparılır.
