“Neftçala rayonunun içməli su çatışmazlığından əziyyət çəkən kənd və qəsəbələrinin su təchizatının yaxşılaşdırılması məqsədilə layihə icra olunub” .
Oxu.Az xəbər verir ki, bunu jurnalistlərə açıqlamasında “Azərsu” ASC-nin sədr müavini İlqar Tağıyev kənd layihələri ilə bağlı ölkə başçısının tapşırığı əsasında görülən işlər barədə məlumat verərkən deyib.
O bildirib ki, layihə 27 yaşayış məntəqəsini əhatə edir:
“Kəndlərdə ümumi uzunluğu 90 km olan daşıyıcı içməli su xətləri inşa edilib. Şirvan-Muğan qrup su kəməri 2012-2013-cü illərdə inşa edilib. 107 km uzunluğunda olan kəmər Kür-Sutəmizləyici Qurğular Kompleksindən çəkilmiş Kür-Bakı magistral kəmərindən qidalanır. Kəmərin marşrutu boyu yaşayış məntəqələrinin içməli su ilə təmin edilməsi məqsədilə Hacıqabul, Şirvan, Salyan və Biləsuvar şəhərlərində ümumi tutumu 50 min kubmetr olan su anbarları inşa olunub. Magistral kəmərdən Hacıqabul, Şirvan, Salyan, Neftçala və Biləsuvar şəhərləri, həmçinin kəmərin marşrutu boyu yerləşən kəndlər içməli su ilə təmin olunur. Bu layihədən perspektivdə 470 min nəfər faydalanacaq”.
Könül Cəfərli
www.102info.az
