Azərbaycanda ən çox müraciət edilən peşə təhsili ixtisaslarının adları açıqlanıb.
Oxu.Az xəbər verir ki, bununla bağlı Peşə Təhsili Agentliyinin direktoru vəzifəsini müvəqqəti icra edən Ceyhun Kərəmov media nümayəndələri ilə keçirilən görüşdə məlumat verib. O qeyd edib ki, ən yüksək tələbat aşpazlıq ixtisasınadır:
“İkinci sırada isə dərzilik ixtisası gəlir. Ən çox müraciət olunan sahələr sırasında İT sahəsi də var. Məsələn, ötən il İT sahəsi üzrə ixtisas qazanmaq üçün bir yerə 17 nəfər müraciət edib. Kibertəhlükəsizlik sahəsi üzrə isə bir yerə 10 nəfər müraciət edib.
Elektrik avadanlıqlarının istismarı, avtomobil diaqnostikası, aqroservis mütəxəssisi, bərbər, vizajist, manikür peşələri də ən çox müraciət olunan sahələr sırasındadır.
Tikinti sahəsi ilə əlaqədar ixtisaslara qəbul isə azdır. Halbuki bu sahədə mütəxəssislərə daha çox ehtiyac var. Tikinti sahəsi haqqında ixtisaslara marağın az olmasının səbəbi işəgötürənlərin təhsil tələb etməməsidir. Qanunvericilikdə bu məsələnin həlli ilə bağlı təkliflər hazırlanır”.
Aysel Aslan
www.102info.az
