Baku TV-nin efirində yayımlanan “Arzunun vaxtı” verilişinin yeni buraxılışı efirə gedib.
Verilişin budəfəki buraxılışının qonağı qayğıya ehtiyacı olan uşaqlara dəstəyi ilə tanınan fotoqraf Səyyad Sərdarlı olub.
20-dən çox azyaşlının ehtiyaclarını qarşılayaraq onlara dəstək olan fotoqrafın ən çox görüşdüyü uşaq isə 13 yaşlı fiziki məhdudiyyətli Zəhradır. Hazırda nənəsinin himayəsində yaşayan Zəhra hər iki valideynini itirib:
“Atamı xaricdə vurdular, qara xəbəri gəldi. Anamın da beyninə qan sızıb öldü”. Zəhranın “ata” deyə səsləndiyi Səyyad bəy bu işə necə başlamasından bəhs edib: “İlk dəfə Zəhra ilə tanış olmuşdum. Sosial şəbəkələrdə onunla paylaşımlar edirdim. Bir müddət sonra dostlarımla birlikdə başqa uşaqlara da kömək etməyə başladım”.
www.102info.az
