Avtomobilin dövlət qeydiyyat nişanı yararsız hala düşdükdə onun yenisi ilə dəyişdirilməsi üçün rüsumun artırılması ilə bağlı sosial şəbəkələrdə məlumatlar yayılıb.
Oxu.Az xəbər verir ki, yayılmış məlumatlar bir sıra sürücülərdə çaşqınlıq yaradıb.
Baş Dövlət Yol Polisi İdarəsinin Hərəkətin Təhlükəsizliyinin Təbliği və İctimai Qurumlarla Əlaqə Şöbəsinin inspektoru, polis leytenantı Elvin Hacıyev isə iddialarla bağlı Oxu.Az-ın sorğusuna cavab olaraq bildirib ki, bu, yanlış məlumatdır.
O qeyd edib ki, müvafiq qanuna əsasən, avtonəqliyyat vasitələri üçün mövcud dövlət qeydiyyat nişanının təkrar verilməsinə görə rüsum 30 manatdır.
Aysel Aslan
www.102info.az
