Sentyabrın 1-də səhər saatlarında Siyəzəndə baş verən avtomobil qəzasında yaralananların kimliyi məlum olub.
“Report”un Şimal bürosunun məlumatına görə, onlar Əmirova Mələkzadə, Əmirov Elvin, Əmirova Siyafət, Əmirli Günel, Abbasov İslam, Əmirli Emil (azyaşlı) Nəzərov Əlövsətdir.
Qəza nəticəsində Əmirov Samit və onun oğlu Əmirov Elnur hadisə yerində ölüblər.
Faktla bağlı araşdırma aparılır.
Bu gün səhər saatlarında Siyəzən rayonunda baş verən yol-nəqliyyat hadisəsində yaralananların sayı yeddiyə çatıb.
“Report”un Şimal bürosunun məlumatına görə, onlar Siyəzən Müalicə-Diaqnostika Mərkəzinə yerləşdiriliblər.
Hazırda yaralıların şəxsiyyəti dəqiqləşdirilir.
10:08
Siyəzəndə yol-nəqliyyat hadisəsi baş verib.
Oxu.Az-ın məlumatına görə, hadisə Bakı-Quba yolunun Siyəzən şəhəri ərazisindən keçən hissəsində qeydə alınıb.
İki minik avtomobilinin toqquşması nəticəsində iki nəfər ölüb, beş nəfər xəsarət alıb.
Ölənlər Siyəzən rayonunun Böyük Həmyə kənd sakinləri 37 yaşlı Samit Əmirov və onun üç yaşlı övladı Elnur Əmirlidir.
Xəsarət alanlar xəstəxanaya aparılıblar.
Avtomobillərdən birində olan ailə övladına məktəb paltarları almaq üçün Bakı şəhərinə gedirmiş.
Faktla bağlı araşdırma aparılır.
İlhamə Əbülfət
