Azərbaycanın iqtisadiyyat naziri Mikayıl Cabbarov SOCAR-ın birinci vitse-prezidenti, neftçi-alim, geoloq, akademik Xoşbəxt Yusifzadənin vəfatı ilə bağlı başsağlığı verib.
Bu barədə o, özünün “X” sosial şəbəkə hesabında bildirib.
“Azərbaycan ictimaiyyətinə ağır itki üz verib. Görkəmli neftçi-alim və geoloq, Azərbaycan Respublikası Dövlət Neft Şirkətinin birinci vitse-prezidenti, respublika dövlət mükafatları və Heydər Əliyev Mükafatı laureatı, geologiya-mineralogiya elmləri doktoru, professor, Azərbaycan Milli Elmlər Akademiyasının həqiqi üzvü Xoşbəxt Bağı oğlu Yusifzadə 2023-cü il oktyabrın 3-də ömrünün 94-cü ilində vəfat edib”, – deyə nazir paylaşımda qeyd edib.
Azərbaycan ictimaiyyətinə ağır itki üz vermişdir. Görkəmli neftçi-alim və geoloq, Azərbaycan Respublikası Dövlət Neft Şirkətinin birinci vitse-prezidenti, respublika dövlət mükafatları və Heydər Əliyev Mükafatı laureatı, geologiya-mineralogiya elmləri doktoru, professor,…
— Mikayil Jabbarov (@MikayilJabbarov) October 4, 2023
www.102info.az