“Qarabağ iqtisadi rayonunda daha dörd şəhərin yeni baş planı üzərində iş gedir”.
APA-nın Türkiyə müxbirinin verdiyi xəbərə görə, bu barədə İstanbulda keçirilən Ümumdünya Məskunlaşma Günü ilə bağlı rəsmi tədbirdə çıxışı zamanı Azərbaycan Respublikası Dövlət Şəhərsalma və Arxitektura Komitəsinin sədri Anar Quliyev bildirib.
O qeyd edib ki, hazırda yeddi şəhərin baş planı üzrə işlər davam edir, işğaldan azad edilən ərazilərdə yenidənqurma işləri görülür:
“Şəhərsalma baxımından bizim gündəlik işimiz 10 milyondan çox əhalisi olan Azərbaycanın 79 şəhərini və 4000-dən çox qəsəbə və kəndini əhatə edir. Nisbətən qısa müddət ərzində – cəmi son 15 il ərzində biz artıq 68 şəhər üçün yeni baş plan hazırlamışıq. Başqa sözlə, şəhərlərimizin demək olar ki, 90%-i üçün artıq yeni müasir baş plan hazırlanıb”.
A.Quliyev, həmçinin onu da xatırladıb ki, Azərbaycan tərəfi Türkiyənin zəlzələdə zərər görən Kahramanmaraş şəhərində yaşayış binalarını, məktəb və uşaq bağçasını inşa edəcək.
www.102info.az
