2023-cü ilin yanvar-oktyabr aylarında neft məhsullarının istehsalı sahəsində istehsalın ümumi dəyəri 3765,1 milyon manat olmaqla, əvvəlki ilin müvafiq dövrü ilə müqayisədə 9,4% artıb.
Bu barədə Dövlət Statistika Komitəsi məlumat verib.
Qeyd edək ki, neft məhsullarının istehsalında sürtkü yağlarının istehsalı 53,4%, neft koksunun istehsalı 18,2%, avtomobil benzininin istehsalı 16,6%, qazoylların (dizel yanacağının) istehsalı 15,6% artıb, neft bitumu istehsalı 25,2%, mazut istehsalı isə 93% azalıb.
Xatırladaq ki, Azərbaycanda neft, təməli 1953-cü ildə qoyulmuş Heydər Əliyev adına Bakı Neft Emalı Zavodunda emal edilir. Zavod respublikanın neft məhsullarına olan tələbatını tam ödəyir. Hazırda NEZ-də yenidənqurma və modernləşdirmə işləri aparılır.
www.102info.az
