“Respublika Perinatal Mərkəzində yanğın hadisəsindən sonra şöbəmizə 11 körpə daxil olub”.
Oxu.Az xəbər verir ki, bunu Kliniki Tibbi Mərkəzin uzman həkimi Ramin Mahmudov jurnalistlərə açıqlamasında deyib.
O bildirib ki, körpələr xəstəxanaya daxil olduqları zaman vəziyyətləri stabil olub:
“Hazırda körpələrə bütün lazımi yardımlar göstərilir. Körpələrin vəziyyəti stabildir. Hansısa patologiya görülmür”.
Oxu.Az-ın əldə etdiyi məlumata görə, Perinatal Mərkəzdən 26 uşaq köçürülüb. Onlarda 15-i Ə.Qarayev adına 2 nömrəli Klinik Uşaq Xəstəxanasına aparılıb.
Könül Cəfərli
www.102info.az
