Nizami rayonu, Şərifli küçəsində küknar ağacı qırılaraq, sakinlərin evinə zərər verir.
Belə ki, hündür ağaclardan biri mənzillərin üstünə aşıb. Bu səbəbdən də beşmərtəbəli binada yaşayan sakinlər qorxu içindədirlər.
Sakinlər bildirib ki, bundan öncə həmin ərazidə ağaclardan biri aşaraq, onların eyvanına zərər vurub. Onlar dəfələrlə aidiyyəti qurumlara müraciət etsələr də, heç bir tədbir görülməyib.
“Hər dəfə külək əsəndə qorxu içində otururuq. Bu ağac isə gecə saat 4-də qırılıb, aşıb. Səsi eşidən kimi uşağımı da götürüb digər otağa qaçdım. Düşündüm ki, daha öncəki kimi, pəncərəm qırılar, uşağım xəsarət alar”, – deyə sakinlərdən biri bildirib.
www.102info.az
