Bakıda avtomobil dəmir maneəyə çırpılıb, nəqliyyatın hərəkəti çətinləşib.
Oxu.Az xəbər verir ki, hadisə Xırdalan-Saray yolunda qeydə alınıb.
Belə ki, “Toyota Land Cruiser Prado” markalı minik avtomobili yol kənarındakı dəmir maneəyə çırpılıb.
Hadisə nəticəsində avtomobilə ciddi ziyan dəyib.
Dərhal əraziyə Baş Dövlət Yol Polisi İdarəsinin (BDYPİ) əməkdaşları cəlb olunublar.
Hadisənin hansı səbəbdən baş verdiyi hələlik məlum deyil.
Həmin görüntüləri təqdim edirik:
www.102info.az
