Şabran rayonunda xəsarətlə nəticələnən yol-nəqliyyat hadisəsi baş verib.
“Report”un məlumatına görə, hadisə Şabran şəhərinin mərkəzi hissəsində qeydə alınıb.
Belə ki, hərəkətdə olan “Daevoo” markalı minik avtomobili VAZ-2107 markalı nəqliyyat vasitəsi ilə toqquşub.
Hadisə nəticəsində avtomobildə olan rayon sakinləri 1969-cu il təvəllüdlü Əfqan Mütəllim oğlu Allahverdiyev və 1979-cu il təvəllüdlü İ.Baləhməd qızı Allahverdiyeva müxtəlif dərəcəli bədən xəsarətləri alıblar.
Yaralılar xəstəxanaya aparılıblar.
Faktla bağlı araşdırma aparılır.
www.102info.az
