Bakı. Trend:
Təxminən 10 ildir ki, Elm və Təhsil Nazirliyi tərəfindən SABAH
qrupları layihəsi həyata keçirilir. Bu platformanın daha da
genişləndirilməsi nəzərdə tutulur.
Trend xəbər
verir ki, bunu elm və təhsil nazirinin müşaviri Nicat Məmmədli
Prezident İlham Əliyevin tələbə təqaüdlərinin artırılması ilə bağlı
sərəncamını şərh edərkən jurnalistlərə açıqlamasında deyib.
O bildirib ki, SABAH və yeni məzmunlu təhsil proqramlarının
əhatə dairəsinin 15 minə çatdırılması nəzərdə tutulub.
“Artıq bu istiqamətdə addımlar atılmaqdadır. İndiyədək bu təhsil
proqramlarında 5-7 min nəfər tələbə təhsil alırdı, bu ildən sonra
həmin sayın 15 minə çatdırılması nəzərdə tutulur”, – deyə o qeyd
edib.
