Bakı. Trend:
Ali təhsil müəssisələrinin boş qalan (vakant) plan yerlərinə
ixtisas seçimi avqustun 28-dən sentyabrın 2-dək internet vasitəsilə
aparılacaq.
Trend bu barədə
Dövlət İmtahan Mərkəzinə istinadən xəbər verir.
Abituriyentlər elektron ərizədə ali təhsil müəssisələrinin boş
qalan plan yerlərinin ixtisasları ilə yanaşı orta ixtisas təhsili
müəssisələrinin (kolleclərin) ixtisaslarının da kodlarını göstərə
bilərlər.
