Cəlilabadın Alaşar kəndində yollar bərbad vəziyyətdədir.
Bu barədə “Report”un yerli bürosuna kənd sakinləri məlumat veriblər.
Onların sözlərinə görə, kəndin dörd əsrlik tarixi var:
“Yolumuzdan şikayətçiyik. Bütün fəsillərdə bu yol bizə çətinliklər yaradır. Rayon mərkəzinə gedib-gəlmək bizə daha çox əziyyət verir. Yolumuz asfalt olsa, heç bir əziyyət çəkmərik. Rahat gedib-gələrik. Axşam saatlarında yolda işıqlandırma sistemi olmadığı üçün hərəkət etmək tamamilə çətinləşir”.
Məsələ ilə bağlı Cəlilabad Rayon İcra Hakimiyyətindən bildirilib ki, kəndin yolları 2023-cü ildə təmir olunaraq asfaltlanacaq.
www.102info.az
