ABŞ-ın ilk qadın vitse-prezidenti: Kamala kimdir? – FOTO

Dünya General Gündəm

Demokrat Co Baydenin ABŞ-ın 46-cı prezidenti seçilməsindən sonra bütün nəzərlər yeni vitse-prezident Kamala Harrisə yönəlib.

O, bu vəzifəyə gələn ilk qadın və ilk asiya-amerikalı vitse-prezidentdir.

Harris 1964-cü ildə Kaliforniyanın Oakland şəhərində mühacir ailəsində dünyaya göz açıb. Anası Hindistandan ABŞ-a tələbə olaraq gələn bioloq, atası isə Yamaykadan təhsil arxasınca gələn qaradərili iqtisad professoru olub.

Harris siyasətə ilk addımını 2010-cu ildə atıb. O, Kaliforniya Baş Prokurorluğuna namizədliyini verərək əyalət tarixində seçilən ilk qaradərili və ilk qadın olub. 2014-cü ildə ikinci dövr əyalət prokurorluğuna yenidən seçilən Harris 2016-cı ildə keçirilən prezident seçkilərində Kaliforniyadan Konqresə girən ilk Cənubi Asiya mənşəli və ikinci qaradərili senator olub.

2020-ci il prezident seçkiləri üçün Demokrat Partiyadan namizədliyə namizəd kimi qatılan Harris ilkin seçkilərdə uduzub. Demokratlardan namizəd seçilən Co Bayden isə 11 Avqust 2020-ci ildə Harrisi seçkilərə vitse-prezident qismində qoşacağını bildirib.

78 yaşında – ən yaşlı prezident kimi ABŞ tarixinə keçən Co Bayden vəfat edəcəyi təqdirdə onu vəzifədə və ya gələcək seçkilərdə Harrisin əvəzləyəcəyi bildirilir.

ABŞ-ın ilk qadın vitse-prezidenti: Kamala kimdir? - FOTO
ABŞ-ın ilk qadın vitse-prezidenti: Kamala kimdir? - FOTO
ABŞ-ın ilk qadın vitse-prezidenti: Kamala kimdir? - FOTO
ABŞ-ın ilk qadın vitse-prezidenti: Kamala kimdir? - FOTO
ABŞ-ın ilk qadın vitse-prezidenti: Kamala kimdir? - FOTO
Spread the love

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir