Böyük Britaniyanın London şəhərinin ən bahalı evi yenidən satışa çıxarılıb.
Söhbət Naytsbricdə Hayd-parka baxan malikanədən gedir.
Mülkiyyətin əsas sahibi Çin tikinti nəhəngi “Evergrande Group”un rəhbəri Hui Ka Yanın ailəsidir.
Malikanə 2020-ci ildə Virgin Adalarında qeydiyyatdan keçmiş “Vision Perfect Global Limited” şirkəti vasitəsilə alınıb. Potensial sövdələşmənin dəyəri açıqlanmayıb və bu məsələ ilə bağlı heç bir rəsmi şərh yoxdur.
Bir vaxtlar Çinin ən varlı adamlarından biri olan Hui daşınmaz əmlak bazarındakı çöküşün “Evergrande” və digər tərtibatçıların defoltuna səbəb olmasından sonra aktivlərini satmağa başlayıb. Onun sərvəti 2019-cu ilin sonunda 30 milyard dollardan təxminən 6 milyard dollara düşüb.
Dörd ayrı evdən yenidən qurulan yeddi mərtəbəli bina 5,5 min kvadratmetrdən çox ərazini əhatə edir. Onun 45 yataq otağı, hovuzu, böyük mətbəxi, yeraltı dayanacağı və bir neçə lifti var. Britaniya mediasının yazdığına görə, bəzi otaqlar malaxit və ametist kimi yarı qiymətli daşlarla, həmçinin bürünc, qızıl və gümüşlə bəzədilib.
Mənbə: Bloomberg
www.102info.az
