Böyük Britaniyanın xarici işlər naziri Ceyms Kleverli Kiyevə səfər edib.
O, Ukrayna Prezidenti Volodimir Zelenski ilə görüşüb.
Bu barədə Kleverli öz “Twitter” səhifəsində məlumat verib.
“Prezident Zelenski, Böyük Britaniya sizi sözlərlə deyil, əməllərlə dəstəkləyir.
Bu gün sizə bu sözü verdim. Böyük Britaniya bunu yerinə yetirmək niyyətindədir”, – deyə Kleverli qeyd edib.
Xəbər verildiyi kimi, bu, Böyük Britaniya Xarici İşlər Nazirliyi rəhbərinin Kiyevə ilk səfəri olub.
O, Ukraynaya əlavə yardım paketini elan edib. Buraya təcili yardım maşınları və zirehli maşınlarla yanaşı 3 milyon funt sterlinq də daxil olacaq.
Bu pul vəsaiti müharibə başlayandan bəri dağıdılmış infrastrukturun, xüsusilə məktəblər və uşaq evlərinin bərpasına kömək üçün nəzərdə tutulub.
Vəsait həmçinin Rusiyanın təcavüzü zamanı cinsi zorakılıq qurbanlarına dəstək tədbirlərinə yönəldiləcək.
President @ZelenskyyUa, the UK is supporting you with action – not just words.
I made you that promise today. The UK intends to keep it. pic.twitter.com/n8C6kGLXsJ
— James Cleverly🇬🇧 (@JamesCleverly) November 25, 2022
Mənbə: Yevropeyskaya pravda
www.102info.az
